كل عام وأنت بخير يا وطن .. كل عام وترابك حر يا وطن
اشكر الله أن لدينا عيد للوطن
عيد لتراب الوطن فقط .. عيد لا علاقة له بحزب أو مذهب أو فكر أو فئة
عيد لو خرجت فيه للشارع ورقصت ودبكت لن يشير احد بأصابعه تجاهي ويهمس قائلا.. انني منافق متملق !!
اشكر الله أيضا أنني دققت قليلا بتاريخ اليوم لأكتشف أن 17 نيسان هو عيد استقلال سوريا وليس مناسبة أخرى من عشرات المناسبات والتواريخ التي نحتفل بها سنويا ونخرج مسيرات ( عفوية) من اجلها وعن (بكرة أبينا)
نحفظ تواريخ العطل الرسمية دون أن نعرف مناسبة هذه العطل .. أصبحت الأعياد والمناسبات لدينا مجرد عطل رسمية ننتظرها بشوق من حين لأخر ولا نشعر بمعانيها أو قيمتها حتى 17 نيسان فقدنا الاحساس فيه
يا وطني ضاع عيدك في زحمة الأعياد وتشابهت علينا الأشهر والأيام
.. ..
مَــوطِــنــي مَــوطِــنِــي
الجـلالُ والجـمالُ والسَّــنَاءُ والبَهَاءُ فـــي رُبَــاكْ
والحـياةُ والنـجاةُ والهـناءُ والرجـاءُ فــي هـــواكْ
هـــــلْ أراكْ هـــــلْ أراكْ سـالِماً مُـنَـعَّـماً وَغانِـمَاً مُـكَرَّمَاً
هـــــلْ أراكْ !!؟
مواضيع متفرقة
الوسوم: عيد،استقلال،سوريا،17،نيسان،وطن
والله يا عامر ما على الرسول سوى انو “كل عام وانت بخير يا وطني”
على الرغم من انو بنظري هالوطن طلع من احتلال لـ “اختلال” أو “اعتلال”
ما بقدر يمر هاليوم وابتسملو … الغصة غالبة دايماً
بس هيك بدكن؟ كل عام وهوي بخير ؟
اي سيدي .. كل عام وحضرتو بالف خير … منكن ومنهن .. ومن لساني
تعى بتشوفو!!
فقدنا؟
رجاءا كل واحد يحكي عن حالو, وبلاها هي نا الجماعة مدعية الهم والغم الجماعي القبلي,
بال 2010 لازم كل واحد بيرفض يكون إله علاقة بأحزاب ومذاهب وجماعات.. يحكي بصيغة المفرد عالقليلة.. لحتى نصدقو
بالمناسبة أنا مرقت عالوطن وماجبلي سيرتك, قال ماعم يشوفك بالمرة وماعندو نت ليفوت يطل يشوفك شو عم تكتب عنو, لهيك تبقى طل عليه قبل ما تفضى أوجه!
وجيب معك ليتر بلاك, حاكم مبارح فقعنا سكرة أنا وهالوطن طلع 18 نيسان بعدا مباشرة, مالحق يقطع التورتة ب17
سلامتوش