مواضيع متفرقة

• للسوريين فقط !
• مذكرات خاروف 4
• مدونة أم منتدى ؟
• المفاعل النووي السوري
• مذكرات خاروف 3

..

فيروز مثل البرازيل ... لا تقارن ابدا

هيفا وهبي مثل المانيا … مكنة قوية وشغالة على طوووول

نانسي مثل الارجنتين.. ممتعة ومثل الصحن الصيني وين ما ضربتها بترن

صباح متل ايطاليا ... ماضي مثير وعريق وحاضر تعيس

ماجدة الرومي مثل اسبانيا… هيبة وآصالة وفخامة ومافي حظ

اصالة نصري مثل انكلترا ... صوت حلو وشكل خرا

روبي مثل الولايات المتحدة ... حظها حظ الشراميط

اليسا مثل فرنسا … شو بدك بالحكي ..ديك اصلي

سارية السواس مثل المكسيك…الكل يكرهها والكل يشجعها بالسر

مواضيع متفرقة

• حملة دعم الاطفال المصابين بالسرطان
• ويل لامرأة . .
• ولادة ..
• مذكرات خاروف 3
• ذو القرنين

هـــــلْ أراكْ !!؟

مواضيع متفرقة

• إ ن ف ت ا ح
• باب الحارة 5
• فساد
• أنثى .. وأشياء أخرى
• فتوحات

مواضيع متفرقة

• فتوحات
• وزير الصناعة: الفيول بدلا من المازوت
• حرية الرأي
• مذكرات خاروف 4
• خـبـر عــاجــل

شـ.. لونك اليوم يا بيك ؟

***

***

أبت شفتاي اليوم ألا تكلما … بسوء فلا أدري لمن أنا قائله

أرى لي وجهاً شوه الله خلقه … فقبّح من وجهٍ وقبّح حامله

***

دع المكارم لا ترحل لبغيتها…واقعد فإنك أنت الطاعم الكاسي

مواضيع متفرقة

• يا ظلام السجن خيم
• ولادة خروف يحمل ملامح إنسان!
• الأبجدية السورية
• الى منتظر الزيدي مع التحية
• مفهوم الحرية..

الدائرة الاولى

حملت الاوراق بيدي وطحشت لعند الموظف.. اتفضل هي الاوراق المطلوبة

القى نظرة عليهم الموظف.. وقال هاي الورقة يا خاي ناقصها ختم وتوقيع روح اختمها وتعال

(معناها اني لازم سافر الى محافظة اخرى حتى اضع الختم الناقص)

.. طيب دبّرها يا اخونا يعني والله مشوار وسفر وبعدين شوف كم ختم عليها

.. يا خاي ما بيمشي الحال هيك القوانين والله صعب أمشيها لك..

(كلمة صعب أمشيها لك يعني قصدو انها بتمشي بس بدها فتّ عملة)

.. طلعت الـ 500 ليرة من جيبي ولما شافها قال رجعها ما بتكفي

قلت له خلص منعملها دبل (يعني 500+500) ..ووضعتهم بين الاوراق

اخد الورقة الغير مختومة شخبط عليها بالقلم بكلام ما فهمت منو شي ولحش كم طابع عليها وقال خلص تمام .. روح وقعها من المدير والله معك

الدائرة الثانية

اهلا وسهلا تفضل ورحب فيني اجمل ترحيب .. واجلسني بجانبه وصبّ لي كاسة شاي (حسيت اني عم ساوي معاملة بالجنة مو بالارض)

مو حضرتك صاحب المعاملة الفلانية ؟ .. سألني

اي انا صاحبها ويا ريت تطمني شو صار فيها .. ان شاءالله مشي الحال؟

.. مشي الحال وخالصة يا اخي الكريم انا ما بعرقل أي معاملة ولله الحمد

وشربنا كاسة الشاي ومن حديث لحديث تكلمنا عن الفساد المستشري في البلاد

وحدثني عن الضمير الغائب لدى الناس والموظفين الـ ولاد حرام وعن الرشاوي وشتمهم ولعنهم فهم اساس الفساد والبلاوي، وحدثني كيف اضطر مجبراً الى دفع رشوة الاسبوع الفائت كي يستطيع ان ينهي معامله له في احدى دوائر الدولة !!.. ولم يقطع حديثنا الا اذان الظهر ، فسكت وردد مع المؤذن ..ثم خلع الكندرة ولبس الشحاطة استعدادا للوضوء والصلاة..

(يا سلام شو هالموظف التقي والنقي والطاهر وقلت لنفسي واضح انه موظف بيخاف ربه وراح تمشي المعاملة بلا دفع مصاري  )

استاذي الكريم قبل ما تروح تتوضأ .. ممكن تعطيني المعاملة لاني مستعجل

فتح الدرج واخرج المعاملة ووضعها امامي واعطاني ورقة صغيرة مكتوب عليها 5000 ليرة ، نظرت اليه فأبتسم .. اخرجت الـ 5000 ووضعتها في يده .. قال لي كمان حط 2000 ليرة للسيد رئيس القسم لانه وصيته بالمعاملة تبعك ، حطيت 2000 ليرة .. اخدت المعاملة وخرجت

( للأمانة والتاريخ معاملتي كما هو متعارف عليه بتكلف من 15الى 20الف ليرة ، بس الموظف ابن حلال وبيخاف ربه كتير !)

الدائرة الثالثة

كالعادة .. طحشت فورا لعند الموظف اللي ما تغير من مكانه من عشر سنين ..اعطيته الاسم والرقم .. اخرج لي الاضبارة .. نظر اليها وقال عبارته المكررة اللي سمعتها منه مليون مرة .. اضبارتك ناقصة كتير اوراق وعليك اتمام باقي الاوراق (اتمام باقي الاوراق معناها بدي شغل اسبوع وبدي ادفع مبالغ في غنى عن دفعها الان) نظرت اليه ثم نظرت الى الدرج الخاص به.. ففتحه فورا .. وفي حركة بهلوانية وخفة يد رميت الـ 500 ليرة بالدرج دون ان يراني اي موظف اخر غيره ..، جدد لي الاوراق وختمها واعطاني صورة مصدقة عنها

عدت الى بيتي .. وصليت ركعتين واستغفرت ربي عن الرشاوي اللي دفعتها اليوم ، ونمت قرير العين وانا ادندن . . حلوة يا بلدي

مواضيع متفرقة

• عالم دين سعودي يحرّم الزواج من المقيمة
• الى منتظر الزيدي مع التحية
• نص خبر
• ايران . . !!
• الخليوي المقدس

صرح مسؤول سوري:  نحن ندعو الغرب لتعلم الديموقراطية من سوريا..  وقال: من يتجول في شوارعنا سيرى صور مختلف المرشحين

العراقيين حتى من نختلف معهم في وجهات النظر

ديموقراطية لناس وناس !!

***

صرحت ميريام فارس: انها ليست مطربة مؤخرات وقالت: لا استطيع أن أحاكم الناس الى أي مناطق تنظر في جسدي

 ديموقراطية لكل الناس !!

.

مواضيع متفرقة

• الى منتظر الزيدي مع التحية
• فتوحات
• من وحي المونديال
• شيزوفرينيا
• بقرة السيد

مواضيع متفرقة

• شيزوفرينيا
• سمك لبن تمرهندي
• للسوريين فقط !
• مذكرات خاروف 8
• حــدود

: ..أنا … أنا بدي صير شغلة كبيرة

: ليش.. كيف يعني؟

: يعني كبير .. وزير يعني.. رئيس وزراء يعني.. زعيم اي أنا بدي صير زعيم

: صح لازم صير زعيم . . اصلا انا ولدت لحتى صير زعيم

: زعيم يا سلااااام … ودخلك ليش بدي صير زعيم ؟!

: بدي صير زعيم مشان شي حدا يرمي  عليّ حذاء

: حذاء ؟     آآه  . . قصدك كندرة

: أوفكورس . . كندرة ايطالية

: اصلية  !!

: ايطالية واصلية … حلو والله

: اي بدي فردة كندرة تطير لفوق كتير .. تجي لعندي وتخلعني بنص راسي

: فردة كندرة ؟!…   لا  بدي فردتين بنص راسي

: ليش فردتين ؟…

: ما بعرف !

: . . ليش بدي صير زعيم ؟

: مشان بيع الكندرة يا حمار..واشتري لحم وخبز

: اي مو غلط … الزعيم لازم يضحي

: عم تحكي اصول

مواضيع متفرقة

• إ ن ف ت ا ح
• المعارضة السورية !!
• آه يا سيدي
• سارية السواس .. !!
• مذكرات خاروف 8

هذه الاحداث وقعت بين عام 1993 والعام 2005

في تلك الايام .. كانت الـ 25 ليرة لها عزّ

ابو صطيف.. خلينا نعتبر ان هذا اسمه
ابو صطيف صديقنا كان كسول وبليد وغبي نوعا ما.. بيد انه رسب مرتين في الصف السابع والثامن
ابو صطيف طبعا فيما بعد وصل للصف التاسع (الكفاءة) ولم ينجح بالامتحان النهائي..وترك المدسة

ابو صطيف مثله مثل باقي الشباب في قريته امامه احد طريقين … اما ان يبقى في القرية ويعمل في الزراعة او محاولة ايجاد وظيفة في الدولة تؤمن له حياته ، ووظيفة الدولة هي امان للمستقبل كما كان يقول له والده..

ابو صطيف انتسب لكلية الشرطة ليصبح شرطي مرور يقف يوميا عند احد اشارات المرور لينظم السير…

وعلى ذمة الرواي وهو نفسه ابوصطيف… كان ابو صطيف يتذكر وصية امه له ان لا يمد يده للحرام ولا يتقاضى اي رشوة فهي مال حرام …

بعد 3 سنوات…
ابو صطيف قرر يتزوج… ، ولكن تفاجأ ان الزواج مصاريفه كبيرة وراتبه يشكل نسبة ضئيلة جدا من مجموع مصاريف الزواج

ابو صطيف .. قرر يتخلى عن وصيه امه بعدم قبول الرشوة..
ابو صطيف .. بدأ يتعلم شوية شوية… 25 ورا 25 ورا 25

بعد سنتين…
ابو صطيف جمع مبلغ محترم من راتبه ومن الـ 25 اللي كان ياخذها من السائقين المخالفين..

ابو صطيف .. تزوج ….
ابو صطيف كان حالف يمين بس يتزوج ما بقى يمد يده للحرام او الرشوة لانو ما بدو يطعمي زوجته واولاده من مال حرام

بعد شهر…
ابو صطيف رجع يبلع.. وياخذ رشوة واكراميات .. لانو تعود وصارت الشغلة متل الحشيش مابقى فيه يتوقف عن تقاضي الرشوة .. لانه راتبه صار يخلص بنص الشهر…

بعد اسبوع…
ابوصطيف تعرف على احد الضباط وصار بينهم علاقة صداقة.. واتفقوا….
ابوصطيف قال له الضابط: راح حطك عند اشارة مرتبة والمخالفات عليها كتيرة.. وبالنص شو رأيك؟

ابو صطيف وافق… وصار كل يوم يمر عليه الضابط قبل نهاية الدوام ويقبض 500 ليرة من ابو صطيف

بعد 3 اشهر …
ابو صطيف صار عنده دخل لا بأس به كل شهر وصار وضعه احسن وبالعلامة اشترى غسالة جديدة ..توماتيك

بعد 3 اشهر كمان…
ابو صطيف اعترف ذات مرة لي  وقال: (المصاري بتشغل العقل) وصار يفكر كيف يزيد دخله من الرشاوي
ابو صطيف طلب من الضابط انو ينقله الى احد المواقع الاستراتيجة (بالنسبة للرشوة) ودفع مقابل ذلك 20 الف ليرة سورية

ابو صطيف انتقل الى احد الاماكن التي تقف فيها (ميركوباص)سرافيس نقل الركاب بكثرة
ابو صطيف صار يتقاضى كل يوم عن كل سرفس على الخط مبلغ 10 ليرات (مبلغ بسيط جدا(
ابو صطيف عمل احصائية وجد انه في 400 سرفيس على الخط ولنفرض انه خط (الدائري الشمالي)
ويوميا على اقل تقدير في 200 سرفيس موجودين على الخط

ابو صطيف حسبها بسرعة  (مع انه كان غبي بالحساب) 200 سرفيس × 10 ليراتيعني فيها 2000 ليرة كل يوم يخصم منها 500 ليرة يوميا لصديقه الضابط حتى يحميه وينقله كل فترة الى مكان اخر دسم حتى لا يكشف امره..وهيك ابو صطيف دخله الشهري صار بحدود 45 الف ليرة اضافة لراتبه

بعد 3 سنوات…
ابوصطيف بعد فترة من الزمن .. صار ابوصطيف تاني صار يلبس اغلى كندرة واحلى ملابس وترك الدخان الوطني وتحول الى المالبورو .. وكمان ترك بيته اللي كان مستأجره واشترى بيت مرتب

بعد سنة….
ابو صطيف قرر انه يرجع يشغل مخه مرة ثانية.. وراح لعند ضابط اعلى من الضابط صديقه وطلب نقله الى احد المكاتب الادارية الاكثر حساسية واستراتيجة من ناحية الرشوة ... ودفع مقابل ذلك مبلغ/ 200 الف ليرة ليد الضابط (لا تستغربوا المكان بيستاهل اكتر من هيك )

ابو صطيف يا ما شاء الله… كل معاملة بياخد عليها ما بين الـ 100 ليرة الى 300 ليرة .. وكل يوم عنده ما لا يقل عن 100 معاملة ، بحسبة بسيطة اكتشف انه 100 ليرة ضرب 100 معاملة يساوي 10.000 ليرة

مو قلت لكم انو المكان بيستاهل اكتر من هيك !!، خلال شهر واحد استرجع اللي دفعه للضابط

بعد 6 اشهر…
ابو صطيف عمل حسبة صغيرة ..

( كل شهر ما يقارب 250 الف ليرة × 6 اشهر) صار عنده فوق المليون..

…. الله يرحم ايامك يا ابوصطيف لما كنت ما تعرف شكل ورقة الخمسمية… وكنت تشتهي تاكل سنديوشة شاورما لحمة ام الـ 30 ليرة

ابو صطيف اشترى سيارة اجرة (تكسي) وشغل عليها اخوه.. واشترى سرفيس دفع ثمنه بالاقساط وشغّل عليه اخوه التاني…

ابو صطيف .… من حيث يدري ولا يدري صارت المصاري تكب كب عليه

- نسيت اخبركم انو ابوصطيف طلع له كرش من شي سنة .. ما بعرف من كثر المصاري ولا من الاكل الدسم.. الله اعلم

بعد 6 اشهر كمان…
ابو صطيف فاحت ريحته وبلشوا ينكشوا وراه واستدعوه كم مرة على التحقيق …
ابو صطيف بذكاءه طلع متل الشعرة من العجين..مو قلت لكم انو صار ذكي من ورا المصاري!!

بعد اسبوع…
ابوصطيف قرر انه يهرب وينتقل من المكتب مكان دوامه وينتقل لمكان اخر لانهم مسكوا كم واحد بتهمة تقاضي الرشوة… ومنهم ضباط كمان انشحطوا على التحقيق
ابو صطيف دفع المبلغ اللي فيه النصيب مشان ما حدا يقرب عليه لا من قريب ولا من بعيد وانتقل الى محافظة اخرى…

بعد شهر..
ابو صطيف بعد انتقاله لمحافظة اخرى قام بتوسيع اعماله ودخل بكم مشروع وقام ببناء بيت كتير حلو له في قريته ..

بعد فترة من الزمن…
ابو صطيف سمع انه التحقيق ما زال مستمر .. ويمكن في خطر عليه..
ابو صطيف قرر فجأة انه يقدم استقالته من الشرطة بعد خدمة عشر سنوات… وكمان دفع اللي فيه النصيب حتى يطوى اسمه بالكامل ويسحب من كل التحقيقات التي جرت والتي ستجري لاحقا ...

ملاحظات هامة:

* ابو صطيف كلما رأى القتلى الفلسطينيين على شاشة تلفزيونه الضخم بتدمع عيونه وبيحلف يمين يتبرع بهديك الحسبة لأخوته في فلسطين..

(بس مشكلتو انه بعد نص ساعة بينسى كل شي)

* ابو صطيف بعد كل صلاة جمعة بالجامع بيرمي بصندوق التبرعات ورقة تبع ام الخمسمية..مشان الله يبارك له بنقوده…، مؤخراً سمعت انه ترك صلاة الجمعة لانه بعد ما تعود على سهراته المخملية كل خميس صار يصحى متأخر

الان وحالياً .….
ابو صطيف هذا الشاب الغبي والبليد الكسول اللي رسب 3 سنوات في السابع والثامن والتاسع..
ابو صطيف اللي كان يشتهي ياكل سندويشة شاروما .. وياكل الفلافل وهو مغمض عينه مشان يتخيل انه عم ياكل شاورما..
ابو صطيف اللي اعطيته اكثر من مرة اجرة الطريق مشان يرجع لعند اهله…خلال وجوده في كلية الشرطة..

ابو صطيف صار شغلة كبيرة .. وصار يحكي بالملايين…

ابو صطيف… اليوم اتصل فيني وكلمني بلهجة لا تخلو من التكبر والعجرفة لدرجة جعلتني افكر اكثر من مرة ان اغلق سماعة الهاتف في وجهه.. .. .. اخيرا قلت له ..يا ابو صطيف خير كيف اجى على بالك وتذكرتني..
ابوصطيف قال لي بالحرف الواحد: يا صاحبي سمعت انك بتفهم بالكمبوتر وبدي ابعت لك مصاري مشان تشتري لي كمبوتر عليه برنامج اسمه وندز ابو الاكس  ..هيك شي مدري شو اسمه والله نسيت بس بدي يكون كمبوتر مرتب وياباني اصلي مو صيني لانو بدي حطه بالبيت مشان اتعلم اشتغل عليه وبدي تحطلي عليه اكزل هذا اللي بيطلع جداول ومربعات مشان الحسابات.. انتهى كلام ابو صطيف.

ما راح خبركم شو رديت عليه..

بس تذكرت بيت الشعر اللي بيقول :
ولو لبس الحمار ثياب خز …. لقال الناس ياله من حمار

كانون الثاني 2005

* ابو صطيف شخصية من وحي الخيال.. والقصة لا تمت للواقع بأي صلة.. وكل تشابه بالاحداث او الاسماء او الاماكن هو محض صدفة

مواضيع متفرقة

• المعارضة السورية !!
• سارية السواس .. !!
• الخليوي المقدس
• ولادة خروف يحمل ملامح إنسان!
• مذكرات خاروف 3

أجهزة الطرد المركزي

Syrian nuclear reactor

مواضيع متفرقة

• مذكرات خاروف 5
• تاريخ المازوت في سوريا
• دوائر حكومية
• مرسوم يقضي بإعفاء ونقل محافظين
• آه يا سيدي

مواضيع متفرقة

• فنتازيا أمنية
• بارودة
• الفيس بوك حرام
• عالم دين سعودي يحرّم الزواج من المقيمة
• الشرطي ابوصطيف

خليط مقدس :نحن في مجتمع شرقي قام بوضع الدين والقانون والأخلاق والإنسانية والذكورة في خلاط مولينكس وضربه جيدا ونتج عن ذلك خليط عجيب غريب من الضوابط اسمه "عادات وتقاليد"، يستخدم هذا الخليط لنبرر به أفعالنا في حال كان هناك تناقض بين أي من مكوناته السابقة ...

الزواج: في مجتمعنا هو عقد ملكية بموجبه يتملك الذكر أنثاه مع أن الدين أوصى بالنساء ودعانا للرفق بالقوارير ومعاشرتهن بالإحسان وتسريحهن بالمعروف وفي القانون هناك مواد تحمي المرآة من التعرض للظلم والاضطهاد وفي الأخلاق هناك ما يدعونا لاحترام شريكة حياتنا وتقديرها وعدم التعرض للمخلوق الرقيق الضعيف هذا بسوء، ولكننا ومن خلال الخليط العجيب قفزنا فوق كل ما سبق

من عادات وتقاليد الزواج في مجتمعنا البحث عن أنثى تناسب الملك الذكر، ومن المعيب أن يكون العكس في ذلك (حسب ضوابط الخليط)، وغالبا ما تجبر الفتاة ونادرا ما تستشار، وكانت الأنثى لا ترى ذكرها إلا بعد إتمام المراسم القانونية للزواج .. فأين الإنسانية في ذلك، والدين قد أباح للأنثى أن تقبل وترفض.. وهل الأخلاق بعيدة عن الدين في ذلك؟، من اجل العادات والتقاليد تجاوزنا الدين والإنسانية والأخلاق .. واستعملنا الخليط الـ(فيتو)

“في عالم الحيوان الغير عاقل يمكن للأنثى أن تختار ذكرها.. وأحيانا هي من تختار “

المواصفات الفنية: عند التفكير بالزواج يبدأ الأهل بالبحث عن الفتاة المناسبة وأحيانا يطلب الذكر مواصفات محددة أو معينة ..طويلة نحيفة عيون خضر أو زرق شقرا سمرا حنطاوية ..الخ، وكأنه يوصي على صدر كنافة أو مدلوقة بمواصفات معينة ، طبعا لن ننسى أن الجميع يطلب أن تكون الأنثى ذات خُلق وهذا الخُلق حسب تفسيرهم أن تكون عارفة بأمور العادات والتقاليد وأن لا تفكر في تجاوز هذا الخليط ، وعلى هذا تتم تربية الأنثى منذ نعومة أظافرها وتتدرب على طاعة أشقائها الذكور

Quality Control : ومن عادات الزواج المتعارف عليها عند الكثيرين، زيارة الأنثى المختارة وإجراء لها اختبارات الجودة والسلامة من العيوب فمن فحص الأسنان بالجوزة إلى شد شعرها إلى الطب منها السير حافية وقرص المؤخرة وأحيانا يصل الأمر إلى فحص بعض الأماكن الهامة في جسدها… أين الإنسانية في هذا الفحص؟

هل هي سلعة (سيارة- تلفزيون- مطحنة قهوة أو لاب توب؟)، هل يحق لها أن تفحص الذكر أيضا ؟ هل يرضى الذكر بذلك ، هل يمكن أن نطلب من ذكر أن يقفز في مكانه ويقوم بعمل حركات بهلوانية تثبت صحته الجسدية مثلا ! أو نطلب فحص للتأكد من قدرته على الإنجاب ؟ مؤخراً تجرأ البعض بالطلب هذا

أين القانون الذي يساوي بين البشر وأين الإنسانية في أمر كهذا .. لا اعرف ما هي مشاعر الأنثى عندما يتم فحصها .. هل تشعر بالذل ؟ هل تشعر أنها في سوق نخاسة إلا تشعر بالإهانة أو بالنقص ؟

ضع نفسك مكانها أيها الذكر !!

أم أن خليطك لا يسمح لك بذلك ؟؟ … وندعي الإنسانية .. هزًلت والله

عذرا للإطالة ولكن عندما تمر الأنثى بكل ما سبق سيكون هناك بركان بدأ يتكوّن

الزنا: لا يختلف احد في تحريم الزنا.. وتعلمنا من الدين أن هناك حالتين للعقوبة" محصن أو غير محصن" أحداهما شديدة والأخرى متساهلة ووضعت شروط شديدة للإدانة ولتنفيذ العقوبتين، أيضا العادات والتقاليد والقانون السوري طبقوا عقوبتين للزنا ولكن ليس بصيغة محصن أو غير محصن وإنما بصيغة " ذكر أوأنثى" نفس الأمر طبقوه على شروط الإدانة بين الشديدة والمتساهلة " ذكر أو أنثى" بشكل لا يتخيله كائن حي، فالأنثى تُجرم بالدعارة والذكر يخرج براءة

الخيانة: كلنا يعرفها خيانة روحية أو عاطفية أو جسدية .. كلها خيانة
وكل أنواع الخيانات السابقة تجرح الطرفين ذكر أو أنثى ولكن الجسدية هي الأشد حسب قانون "الخليط" ولأنها أمر ملموس يمكنهم المعاقبة عليها على عكس الخيانة الروحية أو العاطفية التي من الصعب اكتشافها وربما هي الخيانة الفعلية في نظري، والله اعلم كم من الذكور أو الإناث يعيشون الخيانة هذه بإرادتهم أو بغير إرادتهم !!

أسباب الخيانة: ربما باتت معروفة لسبب نقص أو خلل ما في احد الطرفين وعدم إشباع احدهم لرغبات الأخر أن كانت رغبات عاطفية أو جسدية ..الخ

السؤال هو لماذا بدأت تزداد حالات الخيانة بشكل كبير عن ما مضى؟، هل السبب قلة الدين أو غياب الأخلاق، أم أن حرية المرأة في خروجها ودخولها كيفما شاءت، أو بسب ما نراه من مسلسلات تعليمية أن كانت عربية أو مكسيكية أو تركية… اترك الجواب لكم

العقوبة: خليطنا عاقب الأنثى الخائنة بالقتل فورا ،هكذا ينص الدين .. والأخلاق بريئة من تلك الخائنة ، أضف إلى ذلك فهي قبل كل شيء مملوكة للذكر بموجب صك ملكية
هنا اجتمعت كل مكونات الخليط لتدين الأنثى العار تلك التي تمردت على مولاها وخالفت الشرع وخرجت عن الأخلاق وفعلت ما يمكن أن تفعله بمطلق حريتها ، فالخائنة لا تخون مجبرة ..
بالمناسبة أنا أؤيد عقوبة القتل للمحصنين وللدين حكمة في عقوبة الموت لأنه يدرك خطورة الأمر هذا في اختلاط الأنساب وما يترتب على ذلك من تبعات.

الذكر: لا يُعاب أن يخون مع أخرى فهو بالنهاية ذكر بمجتمع ذكوري وهو من صنع "الخليط" والدفاع عن خيانته المرتكبة سهل جدا ...بكلمات وعبارات أصبح الكل يعرفها ويحفظها ظهرا عن قلب… وان تمت إدانته فتتمثل ربما بالتوبيخ أو بظهور ذكر قوي من عائلة الأنثى يستردها لمنزل ذويها وهذا نادرا ما يحدث.

المأساة الكبرى تولد بين الخائن وزوجته والجرح الذي لا يندمل وعدم أدراك الذكر لمدى الأذى الذي ألحقه بشريكة حياته فهو قتل قلبها وحقرها وأشعرها وبالمهانة .. أشعرها بالنقص.

الدين: فتح مجالا واسعا للذكر لمنعه من الخيانة فله مثنى وثلاث ورباع.. ومع ذلك فأين عقوبة الذكر في مجتمعنا؟ لا عقوبة .. انه (فيتو الخليط) الذي تجاوز الدين والأخلاق والإنسانية.

الأنثى الخائنة مثل الذكر تخون لتحصل على ما ينقصها من عاطفة أو حب أو رغبة محرومة منها..

محاولة لتفسير الأمور..
في قانون الخليط لا يجوز للمرأة أن تصرح عن ما ينقصها من بعلها الذكر ..

أسف راح اكتب بالعامية لاني مليت من الفصحى ..

الأنثى يا ترى فيها تبرر وتقول ما بدي زوجي لأنو ما بيحبني لأنو مانو رومانسي معي أو لأنو مو حلو وبشع أو عصبي أو لسانو طويل أو لأنو عنده مشاكل بالأداء الجنسي أو .. أو ... أو ؟؟

بتسترجي انو تروح عالمحكمة تطلب الطلاق.. ، إذا عملت أي شي مما سبق فهي عديمة الأخلاق بنظرهم وهي وقحة وهي لازم تتحمل ما سبق حتى ما تخرب بيتها ويتشرد أولادها لازم تنضبط في بيتها وتاكل هوى بلا فضايح وبلا ما الناس تحكي علينا قال بدّها تتركه لأنو ما بتحبه او ما بيحبها ولأنو    ما عم يطلع معو شي! لك تفووه عليها شو ساقطة، نسوان أخر زمن  !!!

حرمان: إذا هي انحرمت من حقها بالقانون وانحرمت من حقها بالعيش كأنسانة لها مشاعر وانحرمت من أن تعامل باحترام وتقدير ورعاية متل ما امرنا الدين .. وين لازم تروح بحالها ؟! .. هيّ مو انسانة لها مشاعر مثل الذكر بتحب وبتكره، عندها غريزة متل ما عندو ؟

كم من الكبت والقهر والمشاعر راح يصير بداخلها ،أي بركان بداخلها راح يتكوّن.. وينفجر في أي لحظة ممكن يلاقي فيها طريق لإخراج ما بداخله !!

خلاصة: الدين قرر عقوبة القتل للطرفين نعم لأنو الدين نظر للذكر والأنثى بشكل متساوي في هذه المسألة،عندهم عقل واحد وعندهم غريزة واحدة وعندهم قلب واحد ، ومثل ما أعطى للذكر مجال واسع للهروب من الخيانة بالزواج من أربعة.. أعطى كمان للأنثى حق الخلع وأعطاها أهم شيء في تأسيس الحياة الزوجية وهو حق الموافقة والقبول والرفض منذ البداية لاختيار شريكها وهذا الشيء اللي ما قدرت تحصل عليه مثله مثل كثير من الأمور الأخرى اللي ما قدرت تحصل عليها فقط لأنها أنثى

حتى لما بتموت الأنثى لازم الذكر يبحث عن بديل وبأسرع وقت والكل بيضغط عليه حتى يتزوج بأسرع وقت ويكمل حياته الطبيعية
وإذا مات الذكر صار اسمها أرملة وكلكم بتعرفوا شو يعني أرملة وشو وضع الأرملة وحتى اللي بدو يتزوجها .. راح يقول يالله أرملة هات لنستر عليها

لو أبعدنا العادات والتقاليد وتحت حكم الدين فالقتل للطرفين ..

ولكن تحت حكم العادات والتقاليد وغياب القانون والأخلاق والإنسانية ..

ما رأيكم ..؟؟

كلمة اخيرة:  أعطوا الأنثى مثل ما أعطيتم الرجل .. ثم اقتلوها
..

مواضيع متفرقة

• حــدود
• مذكرات خاروف 1
• ولادة خروف يحمل ملامح إنسان!
• هل اراك سالما منعما و غانما مكرما ؟؟
• يا ظلام السجن خيم

سلاف فواخرجي : لست حكراً على زوجي . . . .

وأدرك شهرزاد الصباح فسكتت عن الكلام المباح

مواضيع متفرقة

• فنتازيا أمنية
• أنثى .. وأشياء أخرى
• مفهوم الحرية..
• ولادة خروف يحمل ملامح إنسان!
• الثمرة المحرمة

مواضيع متفرقة

• الشرطي ابوصطيف
• باب الحارة 5
• سمك لبن تمرهندي
• حملة دعم الاطفال المصابين بالسرطان
• جنبلاطيات